HATAW! D'yaryo ng Bayan hatawtabloid.com
MAAARING biktima ng “crime of passion” ang advertising executive na si Kristelle Kae Davantes, pahayag ng isang opisyal ng pulis.
Sinabi ni Chief Supt. Christopher Laxa ng Special Investigation Task Group Kaye na: “Merong hate sa… kaaway niya….”
“Is there somebody else involved dito? O meron (kaya) siyang isang manliligaw na na-frustrate, titingnan natin ‘yan,” dagdag ni Laxa.
Dagdag ni Laxa, ayon sa ulat, naghihinala ang mga awtoridad na maaaring biglaan lamang naganap na krimen, matapos ang silakbo ng emosyon, tulad ng galit o pagdadalamhati.
Base sa CCTV footage, nakapasok ang Toyata Altis ni Davantes sa South Luzon Expressway dakong 1:19 a.m. noong Setyembre 7, ang pinakahuling araw na nakita siyang buhay, at nakalabas sa Filinvest Tollgate bandang 1:31 a.m. patungo sa kanyang tirahan sa Moonwalk, Las Piñas.
Dagdag ni Laxa, maaaring may kinalaman sa “love life” ni Kae ang kanyang pagkamatay. Nakatakda na sana siyang pakasalan ang kanyang boyfriend na si Benedict Ong sa susunod na taon.
Bukod dito, maaari rin aniyang may kinalaman sa kanyang trabaho ang krimen, dahil account manager ang biktima ng McCann, isang global advertising agency network.
Maaari rin aniyang napatay siya sa loob ng kanyang sariling kotse, bago itinapon ang kanyang labi sa Silang, Cavite, dagdag ni Laxa.
(JAJA GARCIA)
