Mark na Kalokalike ni Vhong, hataw na ang career

ISA sa mga aabangan ngayong semi-finalist ng Kalokalike, Face 2 ng It’s Showtime ay ang model turned actor na si Mark Tyler Dela Cruz.

Si Mark ay tubong Sta. Cruz, Laguna. Bago siya sumabak sa Kalokalike Face 2 ng Showtime ay naging produkto siya ng isang prestige male pageant, ang Mr. International-Philippines 2013 na naging runners -up. Ngayon ay humahataw na ang kanyang career dahil kasama siya sa no.1 primetime serye na Juan Dela Cruz ng Kapamilya Network bilang isang kawal ni Shaina Magdayao sa mundo ng kaharian.

Samantala, nagsimula na last week ang Kalokalike semi-finalist over 72 contestants na magpapasiklaban sa kani-kanilang mga ginagayang mga iniidolo at isa si Mark aka Vhong Navarro sa maiinit na makakalaban at aabangan.

Nag-trending si Mark nang sabihan niya si Anne Curtis sa kanyang pick-upline ng, “Tae ka ba?” Positive man or negative ang mga naging reaksiyon ng viewers, nag-trending pa rin ito at tumatak. Agad namang humingi ng sorry si Mark sa viewers, dahil hindi naman niya sinadya ang nasabing pick-upline at nagwagi  pa rin siya.

Kaya nagyon pa lang tiyak na aabangan ang salpukan ng mga Kalokalike Face 2 dahil mas mahigpit ang labanan. Sa ngayon, kaliwat kanan na ang mga guesting ni Mark, abangan siya sa September 25 sa Music Box –Timog at sa October 12 sa Dumaguete City.                (Troy Catan)