HATAW! D'yaryo ng Bayan hatawtabloid.com
Hinahangad ngayon ng mga karerista na magkatagpo at maglaban sa isang malaking karera ang local super horse na si Hagdan Bato at ang itinuturing na magaling sa hanay ng mga imported na si Crusis.
Ang pangarap na laban ng publikong karerista ay posibleng maganap sa nalalapit na 2013 Philracom Ambasador Eduardo M. Cojuangco Cup dahil usap-usapan sa labas at loob ng karerahan na kapwa inihahanda ang dalawa para sa naturang pakarera.
Puspusan na ang ginagawang pagsasanay sa alaga ni Mandaluyong Mayor Benhur Abalos na si Hagdang Bato sa ilalim ng pangangalaga ni Top Horse Trainer Ruben Tupas.
Bagamat hindi pa kumpirmado kung sasabak sa laban ang alaga ni Commissioner Marlon Cunanan na si Crusis, marami ang nagsasabi na ito ang puwedeng maging katapat ni Hagdang Bato para sa nalalapit na Cojuangco Cup.
Ang Cojuangco Cup ay gaganapin sa Nobyembre 17 ng taon sa karerahan ng Metro Manila Turf Club sa Malvar,Batangas na may nakalaang papremyong P2-milyon para sa 2,000 meters na karera.
Kahit ang pamunuan ng Philracom ay naniniwala na isang malaking laban kung maghaharap ang Hagdang Bato at Crusis sa Cojuangco Cup.
Ang Hagdang bato ay tinanghal na Juvenile Champion noong 2011 at Grand Slam Triple Crown Champions noong 2012 at 2012 Presidential Gold Cup champion sa hanay ng local na mananakbong kabayo sa bansa.
Ang Crusis naman ay itinuturing ngayon na pinakamagaling na imported at sinasabing patuloy ang pag-asenso ng takbo nito.
Abangan po ninyo sa pitak na ito kung matutuloy ang Hagdang Bato Vs Crusis sa Cojuangco Cup. Mabuhay po ang bayang karerista.
Ito po ang ilang tip ng Kontra-Tiempo:
Race 1) Hi Money,La Furia Roja,
Race 2 Mr. Bond , Colonial Star
Race 3) Brite Olympian/One More Sweet Kiss, Misteryosa
Race 4) Top Wise, Tribal King
Race 5) Admiral Contender, Love Minstrel ,Entry No.5
Race 6) Friend For Never, Malambing
Race 7) Little Miss Hot Shot,Sun Tan Tony
Race 8) Seni Seviyorum ,May Bukas Pa, Lohrkes Tower
Race 9) Seeing Lohrke,All Out, Manila’s Gem
Ni andy yabot
