Jake, seryosong mapasagot si Jessy

TOTOO kaya ang mga lumalabas na balitang, seryoso si Jake Cuenca na mapasagot o maging girlfriend si Jessy Mendiola? Hindi kaya gimmick lang ito dahil magkasama ang dalawa sa nalalapit nang teleserye ni Jessy na kasama siya sa ABS-CBN2, ang Maria Mercedes?

Ayon kay Jake, seryoso siyang mapasagot si Jessy at hinamon pa ang napapabalita ring nanliligaw sa aktres na si Sam Milby ng ‘may the best man win’.

“Well, kung sa show mapapanood niyo na pinag-aagawan si Maria Mercedes, hindi naman malabo mangyari ‘yan kay Jessy Mendiola, kasi iisa lang naman sila. Ang sa akin, may the best man win,” ani Jake sa isang interbyu sa kanya.

Inamin din naman ni Jessy sa isang interbyu sa kanya na hindi lamang si Sam ang nanliligaw sa kanya dahil nagpadala rin daw ng pagkain sa kanyang bahay ang actor na si Jake.

Sa nangyayari ngayon, tila mas may edge si Jake dahil mas madalas niyang nakakasama si Jessy dahil magkatrabaho sila. Sana lang, hindi malamangan si Sam at hindi na magpatumpik-tumpik pa sa panliligaw.

For the meantime, wait na lang natin kung sino kina Sam at Jake ang makasungkit ng matamis na oo ni Jessy.

Maricris Valdez Nicasio