HATAW! D'yaryo ng Bayan hatawtabloid.com
NABIGO sina Filipino whiz kid Jerad Docena (ELO 2227) at kababayang si Jan Jodilyn Fronda (ELO 2038) matapos matalo sa kani-kanilang kalaban sa fifth round ng World Junior Chess Championships 2013 Miyerkoles sa The Ness Hotel sa Kocaeli, Turkey.
Yuko ang Tagubaas, Antequera Bohol native Docena kontra kay Armenian IM Vahe Baghdasaryan (ELO 2423) sa Open section habang nadapa naman si San Andres, Manila based Fronda kontra kay Vietnamese WIM Vo Thi Kim Phung (ELO 2219) sa Girls division.
Napako si Docena sa 2.5 points at nanatili naman si Fronda sa 2.0 points.
Magkasalo sa liderato sina No.1 seed GM Yu Yangyi (ELO 2662) ng China at No.9 GM Sethuraman S.P. (ELO 2553) ng India sa Open category na may tig 4.5 points habang magkasama din sa unahang puwesto sina top seed Woman Grandmaster Alina Kashlinskaya (ELO 2434) ng Russia, No.5 WGM Irina Bulmaga (ELO 2387) ng Romania at No.11 WIM Warda Aulia Medina (ELO 2301) ng Indonesia sa Girls section na may tig 4.5 points.
(Lovely Icao)
