Gregorio pinuri si Cardona

ISANG dahilan kung bakit tinalo ng Meralco ang Alaska Milk sa PBA Governors’ Cup noong Martes ay ang pagbabalik-aksyon ni Mac Cardona mula sa kanyang pilay sa tuhod.

Nagtala si Cardona ng siyam na puntos sa loob lang ng 16 minuto upang pangunahan ang Bolts sa 84-74 na tagumpay kontra Aces.

“September 3 talaga yung date na binigay sa akin ni Dr. (Raul) Canlas na makakalaro ako,” wika ni Cardona. “Yung injury ko 100 percent na akong recovered pero yung condition ko hindi pa. Wala pa ako sa game shape. Kulang pa ako sa timing.”

Sinabi naman ni Meralco coach Ryan Gregorio na kailangan na niyang gamitin si Cardona nang sinubukang makalayo ang Alaska sa unang quarter ng laro.

“We were not scoring anymore, especially in the second quarter. I didn’t really want to insert him because I thought all along he might not be ready,” ani Gregorio.

“But that guy is a competitor. He’s a warrior. He found ways to win — and found ways to score. Those nine points he scored in the second period proved to be the needed momentum that sparked us.”

Ngunit nag-aalala si Gregorio kay Reynel Hugnatan dahil sa pilay ng huli sa kanyang paa at baka hindi siya makapaglaro kontra Rain or Shine bukas.

“It’s a big concern. We’ll have to know what’s going to happen within the next 72 hours, if not, others should step up the plate,” pagtatapos ni Gregorio.         (James Ty III)