HATAW! D'yaryo ng Bayan hatawtabloid.com
AYAW paniwalaan ng Malacañang ang pahayag ni Atty. Lorna Kapunan na galing din kay Justice Sec. Leila de Lima ang “tip” kaya nakapagtago ang kanyang kliyenteng si Janet Lim-Napoles.
Magugunitang imbes ang NBI, si De Lima ang itinuro ni Kapunan na siyang pinanggalingan ng impormasyon hinggil sa warrant of arrest ng Makati RTC.
Iginiit ni Kapunan na dahil sa abiso ni De Lima sa media, naalerto si Napoles kaya nakapagtago ng ilang linggo.
Sinabi ni Deputy Presidential Spokesperson Abigail Valte, iba ang bersyon ni De Lima, taliwas sa hirit ni Kapunan.
Una rito, inihayag ni Pangulong Benigno Aquino III na may kakasuhang NBI officials dahil sa nasabing leak.
Ito ang naging dahilan ng pagbibitiw ni NBI director Nonnatus Rojas at deputy director Edmund Arugay.
“I understand that Secretary De Lima believes otherwise,” ani Valte. (HNT)
