Saturday , October 16 2021

Mailap ang katarungan kay FPJ

ILANG taon na rin ang nakalilipas mula nang bawian ng buhay si Fernando Poe, Jr., at magpahanggang ngayon ang alaala ng kinikilalang “Da King” ng Philippine movies ay nagpapatuloy at hindi pa rin naglalaho.

Taong 2004, 14 Disyembre, ganap na 12:01 ng madaling araw, sa edad na 65, namatay si FPJ sa St. Luke’s Hospital, Quezon City. Stroke na nagresulta sa celebral thrombosis at multiple organ failure ang dahilan ng pagkamatay ni Da King.

Sa kanyang burol sa Sto. Domingo Church, milyon-milyong katao ang nakiramay, at sa mismong araw ng libing ay naroroon at hindi pa rin iniwan ng mga tagahanga si Da King hanggang maihatid sa kanyang huling hantungan sa Manila North Cemetery.

At sa darating na Lunes, muling gugunitain ang ika-16 anibersaryo ng kamatayan ni FPJ.  Muli, sasariwain ng kanyang mga tagahanga ang alaala ng kanilang “hari.”   Hindi na yata kalianman maglalaho sa kamalayan ng taongbayan ang kanyang alaala.

Masakit para sa mga tagahanga ni FPJ ang pagkamatay ng kanilang idolo. Marami ang naniniwala na dinaya ni GMA si FPJ noong 2004 presidential elections at ito ang naging dahilan kung bakit binawian ng buhay si FPJ.

Katarungan ang hinahanap ng mga nagmamahal kay FPJ.  Hindi mapaghihilom ang sakit na naramdaman ng mga tagahanga ni FPJ magpahanggang ngayon kung walang katuparan ang naging kamatayan ni Da King.

Wala ring katotohanan ang sinasabing nilimot na ng taongbayan si FPJ. Malinaw na ang ganitong pagpapalutang ay pakana ng mga kalaban para hindi maipagpatuloy ang naiwang laban ni Da King.

Hindi dapat mapanghinaan ng loob ang mga taong magpapatuloy ng laban ni FPJ lalo na ang kanyang mga supporters na umaasa na darating ang araw, ang matagal na hinahanap na katarungan, ay kanilang makakamit sa hinaharap.

At dahil sa pandemya, hindi pa natin alam kung papaano ang plano ng mag-inang Susan Roces at Sen. Grace Poe sa ika-16 anibersaryo ng pagpanaw ni FPJ.  Kung walang event o pagtitipon na gagawin sa Manila North Cemetery, malamang sa kani-kanilang tahahan na lamang ang gagawing pagdarasal o paggunita ng kamatayan ni Da King.

Hindi pa nga tapos ang laban at kailangang ipagpatuloy ng naiwang tagapagmana ni FPJ ang laban para sa taongbayan.  Hindi kailangang tumigil na pag-alabin ng mga nagmamahal ang alaala ni FPJ.  Hanga’t walang nakakamit na katarungan, tuloy ang laban ni Da King!

SIPAT
ni Mat Vicencio

About Mat Vicencio

Check Also

Bulabugin ni Jerry Yap

Gibaan sa socmed rumatsada na publiko mag-ingat sa fake news

BULABUGINni Jerry Yap MGA MAGULANG panahon ngayon para bantayan o turuang maging matalas ang inyong …

Balaraw ni Ba Ipe

Balik si Gibo

BALARAWni Ba Ipe TAOS-PUSONG pagbati kay Maria Ressa a pagwawagi ng Nobel Peace Prize. Sumasaludo …

FIRING LINE ni Robert B. Roque, Jr.

Handa na sa gera ang Taiwan, tayo ba?

FIRING LINEni Robert B. Roque, Jr. NAKAAALIW ang mga palitan ng kuro-kuro sa social media …

AKSYON AGAD ni Almar Danguilan

Gov. Suarez, anak, sinampahan ng kaso sa Ombudsman

AKSYON AGADni Almar Danguilan KINASOHAN pala sa Ombudsman si Quezon Province Gov. Danilo Suarez. Ito …

Bulabugin ni Jerry Yap

Kathniel’s fans hindi konsintidor sa pagiging ‘ingrata’ ng ina ng aktor (Sa paghahain ng CONA ni Karla Estrada)

BULABUGINni Jerry Yap IBANG klaseng manindigan ang fans ng love team na Kathryn Bernardo at …

Leave a Reply