Thursday , February 29 2024
Sipat Mat Vicencio

Hindi palulusutin ni PBBM sina Go, Tol, Bato sa 2025

SIPAT
ni Mat Vicencio

HINDI dapat umasa pa sina Senator Bong Go, Francis “Tol” Tolentino at Bato dela Rosa na muling maluluklok sa Senado dahil tiyak na hindi sila palulusutin ng administrasyon ni Pangulong Bongbong Marcos sa darating na 2025 midterm elections.

Mahalaga ang eleksiyon sa 2025 para sa kasalukuyang gobyerno at gugustuhin ni PBBM na kontrolado nila ang Senado at hindi makapambulabog ang oposisyon lalobang grupo ni dating Pangulong Digong.

Panic mode kung sisiliping mabuti ang tatlong matapat na alagad ni Digong at makikita si Bato na laging papansin at pakontrobersiyal sa taongbayan dahil alam niyang tagilid ang kanyang kandidatura sa susunod na halalan.

Si Go naman, bukod sa nagkalat na Malasakit Center, nitong December, mukhang pinalibutan na rin ng senador ang buong Filipinas ng sandamukal na tarpaulin na may  Christmas greetings.

At ang nakalulungkot ay si Tol, dahil wala na sa kanyang kamay ang makapangyarihang Senate blue ribbon committee nang magbitiw nitong Disyembre. Sayang at magagamit pa naman niya ang nasabing komite sa kanyang propaganda at ngayon magtitiyaga na lamang siya sa mga radio interview at mababaw na mga press release.

Mabigat din ang makakalabang kandidato ng tatlong senador dahil bukod kina Senator Pia Cayetano at Senator Imee Marcos, ang pagbabalik ng matitikas na senador ay lumulutang na rin tulad nina Ping Lacson, Tito Sotto, Manny Pacquiao pati na sina Leni Robredo at Isko Moreno.

Hindi rin barometro ng panalo ang pagpasok nina Go, Tol at Bato sa ‘Magic 12’ sa isinasagawang mga senatorial survey dahil sa sinasabing kuwestiyonable at walang kredebilidad na mga kompanyang nagsasagawa nito.

Dapat ilagay sa kukote ng tatlong mambabatas na si PBBM ang kasalukuyang pangulo ng Filipinas at malaking bagay sa isang politiko na kaalyado ang kasalukuyang gobyerno dahil sa malawak nitong makinarya, organisasyon, impluwensiya, at pagkakaroon ng limpak-limpak na pera.

At kung meron pang tinatawag na ‘Duterte magic’ at tumakbong senador si Digong at manalo, sana lang ay ‘makasakay’ sina Go, Tol at Bato sa lilikhaing propaganda nito at manalo rin sa eleksiyon.

Pero ang sabi nga, si PBBM ang kasalukuyang nasa kapangyarihan at huwag magtataka kung ang kanyang babasbasan na mga kandidato sa senatorial race ang mananalo sa 2025 midterm polls.

About Mat Vicencio

Check Also

FIRING LINE ni Robert B. Roque, Jr.

Pumapabor sa ICC ang kapalaran

FIRING LINEni Robert B. Roque, Jr. Inakala ko noon na nag-iisa lamang ako sa pambabatikos …

AKSYON AGAD ni Almar Danguilan

SSS revenue target para sa 2023, lumagpas sa 9.5 percent

AKSYON AGADni Almar Danguilan NAKATUTUWA ang napaulat nitong nagdaang linggo kaugnay sa  koleksyon “revenue”  ng …

Dragon Lady Amor Virata

Hirit sa P100 dagdag-sahod malabo

Isumbong mokay DRAGON LADYni Amor Virata SABI ng DOLE, ‘di kaya ng mga employers na …

FIRING LINE ni Robert B. Roque, Jr.

Paboritong krimen ‘pag Pebrero: Pag-ibig

FIRING LINEni Robert B. Roque, Jr. KAAKIBAT ng Pebrero ang ideya na ang kinakailangan ng …

Dragon Lady Amor Virata

Kalsada ginawang parking lot

Isumbong mokay DRAGON LADYni Amor Virata DUMULOG sa inyong lingkod ang mga negosyante na umookupa …