Nanawagan ang Pangulo sa Kongreso na ipasa ang batas na mag­ta­tatag ng Department of Disaster Management bilang pagbibigay prayo­ridad sa pangangalaga sa kalikasan. Hinimok din niya ang Kongreso na ipasa ang batas na tutuldok sa kontraktuwalisasyon. Nais din niyang mag­pasa ng batas na magta­tayo ng Coconut Farmers Trust Fund. Ipinamamadali rin ng Pangulo sa Kongreso ang reporma sa pag-aangkat ng …

Hindi ititigil ng Pangulo ang kampanya kontra-korupsiyon lalo na’t winakasan niya ang pakikipagkaibigan sa ilang itinalagang opisyal nang masangkot sila sa katiwalian. Hinimok din niya ang lahat ng lokal na pamahalaan na ipatupad ang batas na “ease of doing business” upang maging customer-friendly sa mga Filipino.

Inilinaw ng Pangulo na ang pakikipagkaibigan ng Filipinas sa China ay hindi nangangahulugan na isinusuko niya ang karapatan ng bansa sa West Philippine Sea (WPS). Ang ano mang tung­galian aniya ay idinadaan sa bilateral cooperation upang makamit ang mapayapang solusyon sa suliranin.