Diego Loyzaga, thankful sa suking viewers ng Pangako Sa ‘Yo

MASAYA si Diego Loyzaga sa patuloy na pagtangkilik ng viewers sa kanilang TV series na Pangako Sa ‘Yo. Ayon sa Kapamilya actor, dapat na lalong tumutok ang suking viewers nila dahil bawat episodes daw nito ay lalong tumitindi sa excitement at kilig.

“Dapat bawat episodes ay hindi nila bibitiwan. Kasi, paganda nang paganda lalo ang Pangako sa ‘Yo. I mean, maganda na nga siya, pero mas lalong tumitindi pa ang takbo ng istorya nito every episodes,” saad ni Diego.

Masasabi mo ba na mas nakatulong sa popularity mo ang maging part ng show nina Kathryn Bernardo, Daniel Padilla, Jodi Sta. Maria, at Ian Veneracion?

“Oo naman po, nakatulong itong Pangako Sa ‘Yo sa akin. Natutuwa ako na binigyan ako ng tiwala ng mga boss ng ABS CBN para maipa-kita ang kaya kong gawin.

“Na, after Forevermore ay napansin ulit ako dito. Kaya happy po talaga ako na sunod-sunod po ang blessings na dumarating sa akin ngayon.”

Nabanggit din ni Diego na bukod sa challenge sa kanya ang pagganap dito, masaya siyang katrabaho ang KathNiel.

“Masaya akong maka-trabaho sila, masayang kasama si Daniel, matagal ko nang tropa si Daniel, e. At saka si Kathryn ay medyo kababata ko e, kasi, we went to the same high school. So, it’s fun seeing them again.”

Nang usisain pa namin si Diego kung sa palagay niya ay may espesyal na relasyon na ba nga-yon sina Kathryn at Daniel, medyo bitin ang kanyang naging kasagutan sa amin.

“Napaka-sweet nilang dalawa sa isa’t isa, on and off camera. So,’ it’s up to you guys kung paano ninyo iyon i-interpret-in,” nakangiting pahayag ng binata nina Teresa Loyzaga at Cesar Montano.

ALAM MO NA! – Nonie V. Nicasio