HATAW! D'yaryo ng Bayan hatawtabloid.com
MAS feel ni Chanel Latorre ang gumawa ngayon ng comedy. Huminto na raw siya sa pagtanggap ng daring roles at no nudity na ang ‘motto’ niya ngayon.
Nang nakahuntahan ko siya recently, sinabi ni Chanel na nag-enjoy siya sa pelikula nilang Baka Siguro Yata na isa sa finalist sa Cinema One Originals 2015.
Ano ang role mo sa movie and anong genre ito?
“Tibo po ang role ko rito sa movie, comedy po ito. Sobrang kuwelang comedy. Si Joel Ferrer po ang direktor namin. Kasama ko rin dito sina Dino Pastrano, Bangs Garcia, Cherie Gil, Ricky Davao, Alex Medina, Jerald Napoles, Ana Luna, at Nicco Manalo,” saad ng aktres.
Dagdag pa ni Chanel, “I wish po na mas madami akong comedies na gawin. mas pipillin ko po mag comedy kaysa drama. iba yung feeling after manuod sa sinehan at nakita mong nakapag pasaya ka ng maraming tao.”
May ka-love scene ka sa movie? “No love scene, hindi na po ako tumatanggap ng may nudity or love scenes ngayon hehe! Pero may love team po ako sa movie, in the form of the very lovely Ana Luna.”
Nilinaw ni Chanel na ayaw daw niyang ma-typecast sa ganoong role at nakatakda na raw siyang lumagay sa tahimik very soon. Kaya tumigil na siya sa pagtanggap ng mga ganitong role.
Sinabi rin ni Chanel na may bago silang business ng kanyang mga kaibigan kaya hindi siya masyadong active sa pagawa ng pelikula.
“Kakabukas lang po kasi namin ng business ng friends ko kaya medyo kaunti na lang ang nagagawa ko ngayon na film. Hands on po kasi kami. ‘Pag nakagaan na po at nakapag-hire na kami ng mga tao, I will be back fully with a bang,” nakatawang saad niya sa amin.
Bakit niya naisipang magnegosyo ng on-line? “Hindi po kasi stable ang pag-aartista kaya kailangan mayroon ka po talagang isa pang pinagkakaabalahan na makakatulong sa iyo. Aside from that, mahilig din po talaga ako sa fashion. Bale ang business po namin ay Emere Online Mall Philippines, we sell clothes, bags, watches…”
ALAM MO NA! – Nonie V. Nicasio
