Joel Teves pormal nang naghain ng kanyang CoC

MASAYANG inihatid at sinamahan ng kanyang pamilya kasama ang maraming tagasuporta nang maghain ng Certificate of Candidacy (COC) sa COMELEC si Vice Mayor Henry Joel Teves para sa congressional seat ng partido UNA sa unang distrito ng lalawigan ng Oriental Mindoro kahapon ng umaga.

Si Teves ang kumakatawan bilang District Chairman ng partido UNA sa nasasakupan nitong walong bayan ng 1st District sa Oriental Mindoro. Bagama’t noon pa man, nakilala ang pamilya Teves sa pagiging pilantropo, binigyang-diin ni Teves na prayoridad niya ang magpasok ng mga investor sa lalawigan at hikayatin ang ilan niyang mga kaibigang mamumuhunan upang makalikha ng maraming trabaho para sa Mindoreño.

 Bukod dito, higit niyang palalawakin ang programa niya sa Edukasyon, ang libreng pag-aaral sa mga kapos-palad na kabataang Mindoreño sa Kolehiyo.

“Naniniwala ako na ‘Edukasyon’ ang susi na magpapaangat sa bawat mahihirap na kabataang Mindoreño para sa magandang bukas,” ani Teves.

Samantala, nanindigan ang buong slate ni Calapan City Mayor Arnan Panaligan nang buong pagsuporta sa kandidatura ni Teves sa naturang posisyon.