HATAW! D'yaryo ng Bayan hatawtabloid.com
AMINADO si Nikki Bacolod na na-miss niya ang mundo ng showbiz. Huling napanood si Nikki sa teleseryeng Dyosa na pinagbidahan noon ni Anne Curtis. Game naman daw si Nikki na muling subukan ang pag-arte kung may magandang offer. Pero tatapusin muna daw niya ang BS Marketing course niya sa De La Salle University dahil three months na lang ay ga-graduate na siya.
Sa ngayon, ang pagiging recording artist muna ang kanyang haharapin. Ka-duet niya ang Malaysian recording star na si Min Yasmin sa single na Sa Iyo na madalas ng napapakinggan ngayon sa radio.
“Magandng opportunity po itong dumating sa akin and thankful po ako dito. Kilalang singer si Min sa Malaysia at ire-release rin doon ang album na pinagtulungan naming gawin,” saad ni Nikki.
Dagdag pa niya, “Min Yasmin was like a big sister to me and took really good care of me. Lagi akong pinapakain. Our album has two Malay songs, two English songs, and the rest are in Tagalog. She taught me how to pronounce the Malay lyrics correctly and I taught her naman the Tagalog words.”
Unique ang concept ng album na Two Voices dahil nagsanib ang talents ng dalawang artist mula sa magkaibang bansa. Matapos ng kanilang promo tour sa Pilipinas, lilipad naman si Nikki sa Malaysia para mag-promote ng kanilang album.
ALAM MO NA! – Nonie V. Nicasio
