Dingdong, maraming don’ts sa pagho-host ni Marian

NANINIWALA si Dingdong Dantes na maaalagaan ni Marian Rivera ang magiging baby nila kahit tumanggap ng bagong Sunday show ang kanyang  misis.

Hindi naman daw siya sasayaw, sasali sa games kundi magho-host lang ng bagong Sunday show ng GMA 7 sa Agosto.

Pero ibinuking ni Marian na dumami ang bilin ng Kapuso Primetime King bilang proteksiyon sa kanyang pagbubuntis.

“Bawal mag-heels, bawal magpagod at kung nakakaramdam na ng kahit kaunting pagod, magsabi raw agad sa production,” paglalahad ng Primetime Queen.

Anyway, halatang happily married ang soon-to-be-mom. Napaamin pa si Marian na hindi na siya makapaghintay na mailabas ang anak na babae. Gustong-gusto niya na raw makita at mahawakan ang anak. Kuwento pa niya, lalo pa raw siyang na-e-excite dahil ngayon pa lang daw ay panay na ang pagpapadyak ng anak sa loob ng sinapupunan niya.

Talbog!

TALBOG – Roldan Castro