P200-M asunto vs ‘attack dogs’ et al inihain ni Binay

NAGHAIN si Vice President Jejomar Binay ng P200 milyong damage suit laban sa mga senador, mga opisyal ng pamahalaan gayondin sa isang pahayagan na binasagan niyag attack dogs.

Kabilang sa mga kinasuhan ni Binay sina Sen. Antonio Trillanes IV,  Sen. Alan Peter Cayetano,  Caloocan Rep. Edgar Erice, Ombudsman Conchita Carpio-Morales, Bangko Sentral ng Pilipinas (BSP) Governor Amado Tetangco, Security and Exchange Commission (SEC) Chairman Teresita Herbosa, Presidential Management Staff Chief Julia Abad, Insurance Commissioner Emmaniel Dooc.

Gayondin laban kina dating Makati Vice Mayor Ernesto Mercado, Marie Hechanova, Renato Bondal, Nicolas Enciso, at pahayagang Philippine Daily Inquirer. 

Isinampa ang reklamo sa Makati court sa pamamagitan ng abogado ng bise presidente na si Atty. Claro Certeza. 

May kaugnayan ang kaso sa sinasabing paninira ng mga inirereklamo laban kay Binay at sa kanyang pamilya.

Jaja Garcia