Misis na may saltik pinatay ni mister

CAGAYAN DE ORO CITY – Masusing iniimbestigahan ng pulisya kung nagpakamatay o pinatay ang babaeng may diperensiya sa pag-iisip sa Brgy. Retablo, Libertad, Misamis Oriental kamakalawa.

Kinilala ang biktimang si Herocencia M. Pagalan, nasa hustong gulang, at nakatira sa nasabing lugar.

Habang nasa kustodiya ng Libertad Police Station ang asawa niyang si Isabelo Pagalan.

Ayon kay Senior Inspector Michael Lacasan ng Libertad Police Station, kanilang hinuli si Pagalan dahil sinira at ginugulo ang mga ebidensiya sa crime scene. Nasa sahig na anila ang labi ng biktima at tinanggal na rin ang lubid na nakatali sa kanyang leeg.

Ngunit iginiit ni Isabelo, nagpakamatay ang kanyang misis at tatlong araw nang hindi kumakain.

Naniniwala ang pulisya na may foul play sa pagkamatay ng biktima.