HATAW! D'yaryo ng Bayan hatawtabloid.com
ni James Ty III
ISINUGOD sa ospital noong isang araw ang pambato ng Ateneo Blue Eagles na si Kiefer Ravena, ayon sa kanyang nakababatang kapatid na si Thirdy.
Sa isang panayam, sinabi ni Thirdy na sobrang pagod ang dahilan kung bakit na-ospital ang kanyang kapatid.
“My brother and I have been training for the national team, aside from playing for our school,” wika ni Thirdy sa panayam ng manunulat na ito noong isang gabi. “But his condition is stable.”
Ayon pa kay Thirdy, matindi kasi ang ensayo ng Sinag Pilipinas sa ilalim ng head coach na si Tab Baldwin kaya napagod ang kanyang kapatid.
Parehong kasama sina Thirdy at Kiefer sa Sinag na naghahanda para sa SEABA ngayong buwang ito at ang Southeast Asian Games sa Hunyo na parehong gagawin sa Singapore.
Bukod pa rito ay naglalaro ang dalawa para sa Eagles sa Philippines-Australia Goodwill Invitational Basketball Tournament kalaban ang Arellano, San Sebastian, National University at dalawang koponan mula sa Australia.
Tatagal ang torneo hanggang bukas.
