Alaska handang magbigay ng manlalaro sa Gilas

ni James Ty III

MAKIKIPAG-USAP ang kampo ng Alaska Milk kay Gilas Pilipinas coach Tab Baldwin tungkol sa planong pagbibigay ng Aces ng ilang mga manlalaro sa national team.

Sinabi ng team manager at board governor ng Alaska na si Richard Bachmann na sisipot siya sa pulong ng mga PBA team owners at mga opisyal ng mga koponan kina Baldwin at PBA Commissioner Chito Salud tungkol sa bagong Gilas na ipapadala sa FIBA Asia Championships sa Setyembre sa Tsina.

Ang torneong ito ay qualifier para sa 2016 Rio Olympics kung saan ang kampeon lang ang ipapadala roon.

“The meeting will make the national program easier to understand,” wika ni Bachmann. “We are not closing our doors to lending our players for the national team.”

Isa si Calvin Abueva sa mga manlalaro ng Alaska na puwedeng kasama sa national pool ni Baldwin.

Dapat ay kasama sina Abueva at Sonny Thoss sa Gilas ni coach Chot Reyes noon ngunit hindi sila sumama dahil sa in injury.

Si Thoss ay huling manlalaro ng Alaska na isinama sa Gilas noong 2012 Jones Cup.

Magsisimula ang ensayo ng bagong Gilas sa Hulyo pagkatapos ng PBA Governors’ Cup.