Never Cease simpleng ehersisyo lang

Simpleng ehersisyo lang ang ginawang pagdadala ni jockey Unoh Hernandez sa kabayo ni butihing Mandaluyong City Mayor Benhur Abalos Jr. na si Never Cease nitong nagdaang Martes sa pista ng SLLP.

Sa alisan pa lang ay hindi na pinaporma pa ni Unoh na mauna ang ilang kalaban niya na may angking tulin sa lundagan, kaya naman naging hirap sila kahit na makadikit man lang.

Pagsungaw sa rektahan ay tuluyan pang lumayo si Never Cease ng may mga sampung kabayong agwat. Naorasan ang nasabing takbuhan ng 1:28.6 (13-23’-25-27) para sa distansiyang 1,400 meters na marami pang ibubuga.

Sa pagkakataong ito ay nais kong pasalamatan ang mga nauna ng bumati sa akin para sa aking kaarawan sa Sabado (Marso 07), gayon din sa mga babati pa. Binabati ko rin ng maligayang kaarawan sina trainer Dave Dela Cruz, partner Ira Herrera, Sir Andy Sevilla at Ginoong Hermie “Siyete De Marso” Esguerra. Nawa’y maging masaya, ligtas at pinagpala ang karagdagang taon na ito sa ating lahat.

ni Fred L. Magno