Castro PoW ng PBA

ni James Ty III

NAGING bayani si Jayson Castro para sa Talk n Text nang nakalusot ang Tropang Texters kontra Barangay Ginebra San Miguel, 104-103, noong Linggo sa PBA Commissioner’s Cup sa Mall of Asia Arena sa Pasay.

Inagawan ni Castro ang huling inbounds pass ni Mac Baracael na dapat sana ay para kay LA Tenorio sa huling 2.3 na segundo upang pigilin ang dapat sanang panalo ng Kings at maibigay sa Tropang Texters ng panalo.

Nagtala si Castro ng 31 puntos, anim na rebounds, siyam na assists at tatlong agaw para pangunahan ang Texters sa kanilang ika-apat na panalo kontra isang talo katabla ang Purefoods Star Hotdog.

Bago nito, gumawa si Castro ng 16 puntos sa 80-75 na panalo ng TNT kontra Barako Bull noong Biyernes.

Dahil dito, napili si Castro ng PBA Press Corps bilang Player of the Week para sa linggong Pebrero 9 hanggang 15.