HATAW! D'yaryo ng Bayan hatawtabloid.com
PINANINIWALAANG ang isang 13-anyos American boy ang pinakabatang entrepreneur na tumanggap ng venture capital makaraan maimbento niya ang Braille printer gamit ang Lego.
Bilang patunay na ang Silicon Valley wonder kids ay pabata nang pabata, nakaisip ng ideya si Shubham Banerjee makaraan itanong sa kanyang mga magulang kung paano nakababasa ang mga bulag.
Ipinayo ng mga magulang sa California eight-grader na hanapin ang sagot sa Google at mula noon ay bumasa na siya ng kaugnay sa Braille, ang tactile writing system para sa mga bulag.
Nagulat siya nang mabatid na ang Braille printers ay nagkakahalaga ng $2,000 (£1,300), masyadong mahal para sa maraming developing world, at tumitimbang ng 20lb (9kg).
Bunsod nito, nagdesisyon si Shubham, ng Santa Clara, na magbuo nang mura at higit na magaan na printer bilang school science projet.
Naperpekto niya ang kanyang prototype, gamit ang Lego Mindstorms EV3 robotics kit, sa buong magdamag sa kanyang his kitchen table.
“I just thought that price should not be there,” pahayag niya sa AP news agency. “I know that there is a simpler way to do this.”
Nais ni Shubham na makapamahagi ng lightweight model sa halagang $350 lamang.
Inilunsad niya ang Braigo Labs – mula sa pinagsamang pangalan ng Braille and Lego – nitong summer para sa pag-develop sa kanyang ideya, sa pamamagitan ng $35,000 investment mula sa kanyang ama.
Nagpalabas na rin ang Tech giant Intel Corp ng hindi binanggit na halaga para sa pagpapasimula ng produksyon.
Sinabi niEdward Ross, director ng Inventor Platforms at Intel, “He’s solving a real problem, and he wants to go off and disrupt an existing industry.
“And that’s really what it’s all about.”
Layunin ng kompanya na magkaroon ng bersiyon ng printer para masubukan ng blind organization.
Ngunit maghihintay pa ang boardroom kay Shubham.
Ang teen prodigy ay napakabata pa para maging chief executive ng kanyang sariling kompanya, kaya ang kanyang ina muna ang mangangasiwa nito. (ORANGE QUIRKY NEWS)
