Miss PH Earth winners desmayado sa mabahong Pasig River

MAGING ang Miss Philippines Earth 2014 beauty queens ay desmayado sa nagkalat na mga basura nang sumakay sila  sa Pasig River Ferry na muling binuhay ng Metropolitan Manila Development Authority (MMDA) kahapon ng umaga.

Layunin ng pagsakay ng MissPhilippines-Earth beauty queens, upang hikayatin ang publiko na tangkilikin ang Pasig River Ferry System bilang alternatibong transportasyon sa Metro Manila.

Ayon kay Miss Philippines-Earth 2014 Jamie Herrell, ikinalungkot niya nang makita niya ang kalagayan ng Pasig River, na para sa kanya ay nababagay bilang tourist attraction.

Aniya, kailangan pagandahin ang Ilog Pasig at turuan ang publiko ng tamang pagtatapon ng basura.

Inamin ni MMDA Chair Francis Tolentino na maraming basura sa Pasig River na nagmula  sa San Juan River.

Tiniyak din ni Tolentino muli nilang lilinisin ang ilog para sa mga pasahero ng Pasig River Ferry System.

(JAJA GARCIA)