HATAW! D'yaryo ng Bayan hatawtabloid.com
TINAMBAKAN ng Pilipinas ang Malaysia, 93-76, noong isang gabi sa 2014 SEABA Under 18 championship sa Sabah, Malaysia.
Nagsanib sina Ranbill Tongco at Mark Dyke sa 18-2 na ratsada sa ikalawang quarter upang makalayo ang mga Pinoy sa 45-30 sa halftime tungo sa kanilang ikalawang sunod na panalo.
Dahil sa panalo, umabante ang mga bata ni coach Jamike Jarin sa FIBA Asia U18 championships na gagawin sa Dubai, United Arab Emirates, sa Agosto.
Naunang tinalo ng mga Pinoy ang Indonesia, 98-35, noong Lunes.
Habang sinusulat ito ay nakikipaglaban sila kontra Singapore sa kanilang huling asignatura kung saan sisikapin nilang walisin ang torneo.
(James Ty III)
