HATAW! D'yaryo ng Bayan hatawtabloid.com
ILOILO CITY – Arestado ang punong barangay at tatlong iba pa sa buy-bust operation sa Dumangas, Iloilo kamakalawa
Kinilala ang mga nahuli na sina Punong Brgy. Teofisto Gomez, 56, ng Brgy. Calao, Dumangas; Michael Libo ng Brgy. Cuartero, Jaro, Iloilo City; Mark Jason Diamante ng Brgy. Poblacion, Dumangas, at Judy Demafilis ng Brgy. Ilaya III, Dumangas.
Ang mga suspek ay nabilhan ng P500 halaga ng shabu at nakompiskahan ng anim na bulto ng nito na tinatayang nagkakahalaga ng P160,000, M16 rifle at .40 caliber pistol.
Ayon kay Senior Supt. Cornelio Salinas, director ng Iloilo Police Provincial Office (IPPO), ang nahuling punong barangay ay isang high value target.
Napag-alaman na si Gomez ay ikalimang punong barangay na nahuli sa lalawigan ng Iloilo dahil sa ilegal na droga.
Ang operasyon ay isinagawa ng Dumangas PNP, intelligence operatives ng IPPO at Iloilo Public Safety Company.
