HATAW! D'yaryo ng Bayan hatawtabloid.com
BAGONG NBI DIRECTOR. Itinalaga bilang bagong NBI Director si Atty. Virgilio Mendez at sumumpa sa tanggapan ni Justice Secretary Laila de Lima. (BONG SON)
ITINALAGA ni Pangulong Benigno Aquino III bilang bagong director ng National Bureau of Investigation (NBI) ang opisyal na nangunguna sa imbestigasyon laban sa hinihinalang rice cartel king na si David Tan.
Si Deputy Director for Regional Operations Virgilio Mendez ang kauna-unahang NBI insider na hinirang ni Pangulong Aquino na mamuno sa kawanihan mula nang maluklok siya sa Palasyo noong 2010.
Pinalitan ni Mendez si Nonatus Rojas na nagbitiw sa kasagsagan ng imbestigasyon ng NBI sa P10-B pork barrel scam matapos isiwalat ng Pangulo na ilang matataas na opisyal ng kawanihan ang may kaugnayan kay Janet Lim-Napoles.
Si Mendez din ang nangasiwa sa imbestigasyon ng Atimonan rubout case at Cagayan de Oro bombing.
(ROSE NOVENARIO)
