‘Pag ang itlog ay nawalay sa bibingka hindi na ba ito magiging espesyal?

Hi Ms. Francine,

Gusto ko po sana mag-seek ng advice sa inyo.

I’m 31 years old at married. Kaso nasa long distance relationship kami ng wife ko. Siyempre may mga needs ako na hindi nagagawa dahil nga magkalayo kami. Ayaw ko magkasala sa kanya kaya nagsasariling sikap na lang ako. Madalas ko siyang yayain mag-web chat at alam mo na magpakitaan kami kaso ayaw niya ‘yung ganun. Gusto ko lang malaman normal ba ‘yun?

Thanks sa time.

JAMES

Dear James,

Salamat sa pagtitiwala at ikaw ang unang nag-email sa akin ng problema sa sex, pag-ibig at relasyon.

Tungkol sa iyong problema, malaking challenge talaga ang “long distance relationship” dahil kelangang parehas kayong malakas ang dedikasyon, pagtitiwala, effort at hindi patitinag sa ano mang temptationssss lalong-lalo na pagdating sa isa sa basic needs ng tao ang “Sex.”

Ang swerte ng misis mo dahil sinabi mong ayaw mong magkasala sa kanya kaya nagsasariling-sikap ka na lang. Ayos lang ‘yan tiis-tiis muna ha James. Kaso naiintindihan kita na hindi naman dapat palagi na lang ganon dahil mahirap na baka magkasawaan kayo at mawalan ka na ng gana kay Misis.

Tinatanong mo rin kung normal ba ‘yung ayaw ni Misis ‘yung request mo na magpakitaan or siguro hawakan ni Misis ang sarili niya at kung kakayanin niya din mag-masturbate para makaraos kayo.

Bilang isang Pilipina, oo normal ‘yun, dahil sa kultura at sa paano tayo pinalaki, lalong-lalo na ‘yung generation natin medyo nasa makaluma pa tayong estilo, conservative pa tayo. Kaya may dalang hiya ‘yun kaya hindi magawa ni Misis ‘yung request mo, hindi siya komportable at siyempre nahihiya siyang gawin sa web chat.

Kaya dapat James, maging komportable muna si Misis. Huwag mo muna siya biglain na magpakitaan sa web chat. Simulan mo muna siya sa text messages, sa email ng mga naughty messages tulad ng “Miss na miss ko na ang mga yakap at halik mo … pagbalik ko babe, sorry ha pero papagurin kita sa paglalabing-labing natin…”  “Sana nandito ka mahal ko, miss ko nang maramdaman habang nakapasok ako sa ‘yo … miss mo na rin ba ‘yun mahal ko?”

Mga sample lang ‘yan at hindi masama na maging honest ka kay Misis na sabihin mo sana huwag na siya mahiya sa ‘yo, tanungin mo siya ano bang name-miss niya sa mga ginagawa ninyo. Simulan mo siya sa ganun at pag naging komportable na siya ay baka magulat ka, siya pa ang magyaya sa iyo sa web chat.

Good luck James at sana ay nakatulong ako sa iyong problema.

                                                Love,

                                                Francine

Try Me! Sa mga problema ninyo sa Love, Pamilya, Sex at Relasyon nandito ako handang magbasa ng inyong mga pinagdaraanan at sasagutin ko base sa aking sariling opinyon at paniniwala. Nasa inyo pa rin kung ano ang susundin ninyo, ako ay option lamang. You can email me [email protected]