Mariel, kayang tanggapin ang lahat-lahat kay Robin, ‘wag lang ang pambababae! (Dahil wala pang 10,000 hours iiwan na niya ito agad-agad)

NAKALIKOM ng kalahating milyong piso (P500,000) sina Mariel Rodriguez-Padilla, Grace Lee, Rufa Mae Quinto, Camille Prats, at Ms Shalani Soledad-Romulo sa napagbentahan nila sa bazaar na ginanap sa Starmall Mandaluyong City kamakailan at ibibigay nila ito sa Yolanda victims.

Ayon kay Mariel, ”sa lahat ng walang trabaho, ako ang busy, kaloka! Naging busy sa bazaar and holiday season pa,” sabi sa amin.

Ang nasabing bazaar ay idea raw ni Shalani at si Mariel ang nagpatupad nito since may karanasan na siya sa pagpapatakbo nito.

“Ang napagbentahan ay para sa Yolanda victims, at nakabenta kaming lahat up to P500,000 together with Shalani, Camille, Rufa Mae, and Grace,” sabi pa ni Mariel.

Samantala, tinanong namin kung paano na ang showbiz career ng TV host, ”hindi ko muna iniisip, At saka na pagpasok ng 2014, Reggs,” ito kaagad ang sagot sa amin.

Bongga si Mariel, mukhang kuntento na siya sa pagiging maybahay ng asawang si Robin Padilladahil hindi niya naisip pang magtrabaho?

Naalala tuloy namin ang kuwento ng manager ni Binoe na si Betchay Vidanes, ”kaya ‘pag nagloko pa si Robin, ako na mismo sasapak sa kanya, ang suwerte niya kay ate Mariel, sobrang love at asikaso siya, grabe.”

Oo nga, ewan na lang kung makakakita pa si Robin ng kasing bait, kasing maalaga, pasensiyosang babae at hindi umaasa sa kinikita niya kapag nambabae pa siya.

Sabi nga ni Mariel dati, tanggap niya lahat ang nakaraan ng aktor, pati mga anak at iba pa, isa lang ang hiling niya, huwag ng mambabae pa si Robin dahil hindi na aabutin pa ng 10,000 hours at magba-babu na siya kaagad.

Reggee Bonoan