SINA POC President Abraham “Bambol” Tolentino, POC 2nd Vice President Richard Gomez, at POC Secretary General Atty. Wharton Chan kasama sina Atty. Jackie Gan, Team Captain LA Cañizares, at Padel Pilipinas Legal Counsel Atty. Mykee Naval. (PADEL PHOTO)

Ulat ng mga nagawa ng Padel Pilipinas

Henry Vargas July 26, 2025 Front Page, Other Sports, Sports

SA NAGANAP na General Assembly ng Philippine Olympic Committee (POC) kahapon, buong pagmamalaking inilahad ng Padel Pilipinas — sa pamamagitan ng kanilang Executive Director na si Atty. Jackie Gan — ang ulat ng mga nagawa ng organisasyon bilang opisyal na padel association ng bansa.

Itinampok dito ang kanilang pambansang grassroots program para sa pagtuklas ng mga talento, tuloy-tuloy na pagsasanay ng pambansang koponan sa loob at labas ng bansa, pagsasanay at sertipikasyon ng mga coach, at matatag na mga hakbang sa pagbubuo ng komunidad.

Kabilang dito ang pagpapatayo ng mga pampublikong padel courts at ang pagho-host ng mga lokal at internasyonal na torneo.