HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ABALA man sa kanyang tungkulin bilang Chief Operating Officer ng Tourism Infrastructure and Enterprise Zone Authority si Mark Lapid, hindi nito isinantabi ang pangarap na lalo pang dagdagan ang kaalaman.
Nagtapos ng Doctorate degree sa Business Administration si TIEZA chief Mark sa Pamantasang Lungsod ng Maynila.
At kung may taong pinakamasaya sa pagtatapos ni Mark, ito ay ang kanyang amang
si Sen Lito Lapid na walang pagsidlan ang kaligayahan at pagka-proud sa anak.
Sa post na ibinahagi ng senador sa kanyang Instagram noong Biyernes, Sept. 6, sinabi nitong, masayang-masaya sila ng asawang si Mrs Marissa Lapid sa pagtatapos ng kanilang anak na si Mark.
Masaya ring binati si Mark ng kanyang asawang si Tanya Garcia.
Sinabi naman ni COO Mark, regalo niya sa kanyang mga magulang ang kanyang doctorate degree.
Bukod sa public service, napapanood si COO Mark bilang “Ben” sa teleseryeng FPJ’s Batang Quiapo.
Congrats COO Mark Lapid!
