Atong Ang inamin relasyon kay Sunshine

INAMIN ng negosyanteng si Atong Ang na may relasyon sila ng aktres na si Sunshine Cruz.

Ang pag-amin ay naganap sa report ng Bilyonaryo News Channel noong Disyembre 17.

Ang pag-amin ay kasunod ng pag-viral ng kissing video nina Atong at Sunshine na pinagpipiyestahan ng mga marites.

Ayon kay Pinky Webb, news anchor ng Agenda sa BNC, kinompirma ng negosyante na in a relationship na sila ni Sunshine.

Bago ang pag-amin, nag-viral ang halikan ng dalawa sa social media.

Sa kumakalat na video, makikitang lumapit si Sunshine kay Atong para halikan iyon sa lips. May isa ring video na si Atong naman ang lumapit kay Shine at hinalikan ito. Tila kuha ang mga tagpong iyon sa loob ng sabungan, ayon na rin sa mga comment ng netizens.

Matagal nang natsitsismis na may relasyon sina Sunshine at Atong subalit nito lang kinompirma ng negosyante ang ugnayan nila.