Drug den sa Mabalacat city binuwag ng PDEA

BINUWAG ng mga ahente ng Pampanga Provincial Office ang isang makeshift drug den at naaresto ang tatlong notoryus na tulak sa Barangay Dau, Mabalacat City, Pampanga kamakalawa ng gabi.

Kinilala ng PDEA team leader ang mga nahuling suspek na sina Edwin De Otoy, alyas Kabog, 55 anyos, residente sa Brgy. Dau, Mabalacat City, Pampanga; Renan Hernan, alyas Bagsik, 43, residente sa Champaca St., Mabalacat City, Pampanga; at Jayson Basilio, alyas Jay, 21, residente sa Villa Paz St., Sta. Teresita, Angeles City, Pampanga.

Narekober ng mga awtoridad ang kabuuang limang piraso ng plastic transparent sachet na naglalaman ng hindi kukulangin sa 12 gramo ng shabu na nagkakahalaga ng P81,600; samot saring paraphernalia sa pagsinghot; at ang marked money na ginamit ng poseur buyer.

Mga kasong paglabag sa Republic Act 9165 o kilala bilang Comprehensive Dangerous Drugs Act of

2002 ang isasampa laban sa mga naarestong suspek. (MICKA BAUTISTA)