HATAW! D'yaryo ng Bayan hatawtabloid.com
DAGUPAN CITY – Muntik naabo ang dalawang Five Star Bus sa terminal nito sa Brgy. Tempra Guilig sa bayan ng San Fabian, matapos silaban ng mga armadong lalaki sa lalawigan ng Pangasinan.
Ayon kay C/Insp. Roland Sacyat, hepe ng San Fabian PNP, dakong 6:45 p.m., may tumawag sa himpilan ng PNP upang iparating ang panununog sa mga bus.
Agad nagresponde ang mga awtoridad ngunit hindi na naabutan ng mga pulis ang mga suspek.
Mabilis na naapula ang apoy sa harapan at tagiliran ng mga sasakyan. Wala namang nasaktan sa pangyayari.
Nabatid na diario na may halong gasolina ang ginamit na pansunog ng armadong mga lalaki.
Nagpapatuloy ang imbestigasyon ng mga awtoridad sa nasabing insidente.
Ni JAIME AQUINO
