Fans day ni Male starlet nilangaw

HATAWAN
ni Ed de Leon

HINDI maitago ng isang male starlet ang kanyang disappointment sa ginawa nilang fans’ day sa isang restaurant. Akala pa naman niya ay maraming fans ang darating kaya pinaghandaan niya ang numbers na gagawin sa program.

Nangumbida pa siya ng iba ring starlets para mag-perform. Pero nagulat siya nang wala pang 100 tao ang dumating ganoong ipinagmamalaki nila na 6,000 ang member ng isang fans’ club lamang niya. Ang palusot naman ng mga organizer kasi raw open lang iyon sa mga account administrator ng male starlet at mga members ng kanilang chat group. Hindi naman daw lahat ng 6,000 nilang member ay kinumbida nila.

Pero hindi maikakaila eh, may nadagdag sa kanilang members, pero hindi naman nila sinasabi kung ilan ang umaalis. Marami na rin daw kasing fans ang male starlet na humanga sa kanya noong una pero nabuko na ang marami niyang “sikreto” kaya nawawalan sila ng gana. Lalo na nga’t kumakalat na siya ay isang “car fun boy. Ibig sabihin ay isang lalaking natatangay ng mga bakla mula sa mga bar at iba pang inuman. Iyon bang sumasama sa kotse ng mga bakla, o kaya isinasakay naman ang bakla sa kotse niya at doon na sila gumagawa ng milagro sa dilim. 

Kung sa bagay, hindi ba kahit na sa kanyang gay series ay may eksena siyang ganoon kaya pala parang sanay na sanay na siya.