Sasakyan ng GSO chief tinambangan
DRIVER PATAY, HEPE SUGATAN

PATAY ang driver ang hepe ng Cotabato City General Services Office habang nilalapatan ng atensiyong medikal sa pagamutan matapos tambangan ang minamanehong sasakyan nitong Martes ng umaga, 15 Agosto, sa lungsod ng Cotabato.

Ayon kay P/Maj. John Vincent Bravo, hepe ng Cotabato CPS 2, binawian ng buhay sa Cotabato Regional and Medical Center ang biktimang kinilalang si Dandy Anonat, 30 anyos, driver ng hepe ng Cotabato City GSO na si Pedro Tato, Jr.

Unang naiulat na sugatan sina Anonat at Tato matapos ang insidente ng pananambang sa bahagi ng Sebastian St., Brgy. Rosary Heights 10 dakong 8:30 am kahapon.

Nabatid na sinundo ni Anonat si Tato sa kanyag bahay at ihahatid sa Cotabato City Hall nang harangin sila ng dalawang lalaking sakay ng magkahiwalay na motorsiklo saka pinagbabaril ang minamanehong pick-up truck ni Tato.

Dinala ang mga biktima sa Saint Anne Regional and Medical Center ngunit binawian ng buhay si Anonat.

Ayon kay Almedras Renabor, city public safety officer, may tama ng bala sa balikat si Tato at nasugatan ang ilang bahagi ng kanyang katawan ngunit ligtas na sa kamatayan.