Jake walang takot makipaghalikan sa kapwa-lalaki 

RATED R
ni Rommel Gonzales

GAY lovers sina Jake Cuenca at Sean de Guzman sa My Father, Myself kaya kinumusta naming kay Jake ang kissing scene nila ni Sean sa pelikula?

“Sabi ko nga noong press conference…sabi ko sobrang seamless, kasi noong first time kong gumawa ng ganyang klaseng pelikula, ‘yung ‘Lihis,’ kasama si Joem [Bascon], marami pang takot eh, marami pang fear, kasi siyempre never pa akong nakahalik ng lalaki, first time ‘yun.

“And then ang daming first, ang daming first, so maraming takot papasok ng pelikulang iyon.

“Eh ito walang takot kong pinasukan, kumbaga na-match ko ‘yung bravery ni direk, napaka-brave niyong material at kinailangan niya ng mga brave na artista at masasabi ko na si Sean de Guzman ay napaka-brave na artista!

“Sabi ko nga ako first project ko ay ‘Click,’ ‘di ba, youth-oriented show, si Sean agad parang hinagis mo agad sa malalim na part ng swimming pool at sinabi mong lumangoy kahit hindi siya marunong.

“So I’m very much impressed by Sean, magka-text nga kami nonng isang araw, sabi ko sana sa madaling panahon magkatrabaho ulit kami, sana mainstream naman para less challenging naman ‘yung next project. Inaasam kong makatrabaho si Sean ulit,” sabi pa ni Jake.

Sa ilalim ng Mentorque Entertainment at 3:16 Media Network, kasama rin nina Jake at Sean sa pelikula na ipalalabas sa December 25 sina Dimples Romana, Tiffany Grey, at Allan Paule.

Sa direksiyon ni Joel Lamangan, entry ito sa 2022 Metro Manila Film Festival.

Samantala, sa Abril next year ay mapapanood na ang erotic stage play na Dick Talk na kasali rin si Jake bilang si Peter North Tevez.  

Gaganap din dito sina Gold Aceron, Nil Nodalo, Dayanara Mae Robles, at Mikoy Morales.