Mars Pa More papalitan ng game show nina Pokwang, Rabiya, at Kuya Kim

MA at PA
ni Rommel Placente

MAWAWALA na pala sa ere ang Mars Pa More, hosted by Camille Prats, Iya Villana and Kim Atienza. Hindi dahil sa  mababang rating ang dahilan. In fairness sa family-oriented show ng GMA 7, panalo naman ito sa rating. Marami ang nanonood nito. Ang dahilan, matagal na rin naman ito sa ere, kaya nag-decide ang Kapuso Networkna ibang show naman ang ihain sa mga manonood tuwing umaga.

At ang ipapalit nga rito ay isang game show na ang magiging hosts ay tatlo. Ito’y sina Rabiya Mateo, Pokwang,at Kuya Kim.

O, ‘di ba, mawala man ang  Mars Pa More, may kapalit namang show na ibibigay ang Siete kay Kuya Kim. Ganoon kalaki ang tiwala nila rito, when it comes to hosting.

Hindi nagkamali si Kuya Kim sa naging desisyon niya na lumipat sa Siete dahil alagang-alaga ang kanyang career.

Regular pa ring napapanood si Kuya Kim sa 24 Oras ng GMA 7 at Dapat Alam Mo sa GTV.