HATAW! D'yaryo ng Bayan hatawtabloid.com
ni Micka Bautista
Inabot ng kambal na kamalasan ng isang rider na naaksidente muna sa motorsiklo bago nahulihan ng baril at granada sa kanyang belt bag sa bayan ng Sta.Maria, lalawigan ng Bulacan, nitong Martes, 31 Mayo.
Sa ulat mula kay P/Col. Charlie Cabradilla, Bulacan PPO provincial director, kinilala ang nadakip na suspek na si Marthy Cunanan.
Ayon sa ulat, rumesponde ang mga tauhan ng Sta. Maria MPS naganap na aksidente sangkot ang isang motorsiklo na kinasangkutan ng suspek sa Brgy. San Vicente, sa nabanggit na bayan.
Habang nagkakaroon ng imbestigasyon sa lugar ng insidente, napansin ng mga pulis na kakaiba ang kinikilos ng suspek na nagalusan sa kanyang katawan.
Dito na siniyasat ng mga awtoridad ang dalang belt bag ng suspek hanggang natuklasan nila sa loob niton ang isang kalibre .45 na baril na kargado ng pitong bala, at isang Granada.
Isinugod muna ng rescue team ng Sta. Maria ang suspek/biktima sa pinakamalapit na pagamutan para sa karampatang lunas habang inihahanda ng mga awtoridad ang pagsasampa sa kanya ng mga kasong paglabag sa RA 10591 at RA 9516 alinsunod sa BP 881 (Omnibus Election Code).
