HATAW! D'yaryo ng Bayan hatawtabloid.com
RATED R
ni Rommel Gonzales
MARAMI ang nasorpresa sa episode ng Happy ToGetHer nitong Linggo ng gabi April 10, nang ipinasilip ang guest appearance ni Andrea Torres sa high-rating sitcom na pinagbibidahan ni John Lloyd Cruz.
Sunod-sunod ang post ng viewers at fans ng Sparkle actress na natutuwa sa magiging paglabas niya sa patok na Sunday night sitcom next week.
Sa ngayon, abala si Andrea sa big project niya na isang international film na kinunan sa Argentina at Pilipinas.
Ito ang ikalawang international project ng Kapuso drama actress. Ang una ay ang pelikulang Blood in Dispute, na nakasama ni Andrea si Mikael Daez noong 2015.
Huli namang nakitang umarte si Andrea sa GMA Telebabad series na The Legal Wives.
