Dito at Doon posibleng magka-sequel

DAHIL sa magagandang rebyu ng pelikulang Dito at Doon nina JC Santos at Janine Gutierrez kasama sina Victor Anastacio, Yesh Burce, at Lotlot de Leon sa online, marami ang nagtatanong kung kailan ito mapapanood sa ibang bansa lalo na ang mga kakilala naming doon na naka-base

Wala pa kasing global release ang Dito at Doon na napapanood ngayon sa Pilipinas sa limang major online streaming platforms tulad ng KTX.ph, Cinema ’76 @ Home, iWant TFC, Upstream, at Ticket2Me.

Ang pelikulang Dito at Doon ay exceeded sa expectation ng TBA sa rates at sa impact ng film sa mga nakapag-review at nakapanood. Ang sales ay base sa Pilipinas pa lang, dahil dito pa lang ito nai-rerelease. Ito ang unang local film na simultaneously nag-play sa five major online streaming platforms.

At dahil marami ang nabitin sa ending ng Dito at Doon, marami ang naghahanap ng part 2 o sequel kaya biruan sa nakaraang zoom mediacon noong Marso 29, may part two nga raw at Cebu version dahil tagaroon ang karakter ni JC bilang si Caloy.

Hmm, oo nga, posible nga bang sundan ni Len (Janine) si Caloy sa Cebu pagkatapos ng Covid-19 pandemic? At may idadagdag bang karakter si Direk JP Habac sa sequel?

FACT SHEET
ni Reggee Bonoan