Empoy ibinuking ni Ai Ai may dyowang non-showbiz

MATABIL
ni John Fontanilla

IBINUKO ni Ai Ai delas Alas ang co-actor niya sa pelikulang Batang Paco na si Empoy Marquez na may non-showbiz girlfriend na.

Ayon kay Ai Ai, “Mayroon itong (Empoy) Jows (Jowa).

“Private ‘yun, pribado!” sagot naman ni Empoy.

Nang uriratin kay Empoy kung gaano na sila katagal ng non-showbiz GF, si Ai Ai ang sumagot ng, “‘Wag na kawawa naman, okey na ‘yun.”

Sundot ng press, wala ka pa bang balak pakasal? 

“Next na siguro bata pa naman ako, at lalagay na tayo sa pag-aasawa. Nasa tamang edad na naman ako, 30 na,” tugon ni Empoy.

Pero naiisip mo na, balik-tanong sa aktor. “Oo naman, mas okey ako sa non-showbiz.

“Kapag pagmamahal na ang nagtutulak sa ’yo, may lakas kang hindi mo inaasahan,” dagdag pa.

Anyways, ginagampanan ni Empoy ang role ni Paco na halaw sa kapatid na babae ng sumulat ng pelikula na si Marissa Tagasa at pamangkin nitong lalaki.

Makakasama rin nina Empoy at Ai Ai sa Batang Paco  sina Mon Confiado, Ynez Veneracion, Chichi Rita, Cassy Lavarias, Richard Quan, Alma Concepcion, Lara Morena, Natasha Ledesma, Kookoo Gonzales, Gerard Acao, Josh Ivan Morales, Kim Rodriguez, Jovi Vargas, at Quentin Molo.

Sa direksiyon ni Rechie Del Carmen, hatid ng MiVida Productions ni Anna Abiera- Del Moral, showing in cinemas nationwide sa February 18.