SA isang Instagram post, may importanteng mensaheng ibinahagi ang Kapuso actress na si Kyline Alcantara sa kanyang followers at fans. Bilang selebrasyon na rin sa International Women’s Month, isa siya sa female celebrities na advocate ng self-love.
Aniya sa caption, ”Self-love is real love. It is as real as it can be. So, flaunt that marks, loosen up that unruly hair, smile with your crooked teeth, and be PROUD of your imperfections. No judgment just self-love. Start love with yourself and everything will follow. Since we are normalizing a lot of things now, why don’t we normalize self-love?”
Dagdag pa ng aktres, simula nang mahalin niya ang sarili, naging maganda at maayos ang kanyang pakiramdam. Kaya naman, hinihikayat din niya ang lahat na subukan ito.
Samantala, nalalapit na ang pagtatapos ng pinagbibidahang GMA Afternoon Prime series ni Kyline na Bilangin ang Bituin sa Langit na siya ay gumaganap na Maggie. Mapapanood din siya sa weekend variety program na All-Out Sundays tuwing Linggo.
Rated R
ni Rommel Gonzales
