HATAW! D'yaryo ng Bayan hatawtabloid.com
SOBRANG babaw lang kung tutuusin ang rason ng pag-alis ng singer at TV and Radio personality na si Ali Sotto, sa top-rating morning radio program nila ni Arnold Clavio sa DZBB at ‘yan ay dahil lang sa sibuyas.
Pero para kay Ali ay sobrang nainsulto siya nang magsumbong kay Mike Enriquez, isa sa top gun ng DZBB, si Rowena Salvacion tungkol sa pagpapakisuyo ni Ali sa production assistant ng kanilang show ni Igan para kunin ang sibuyas sa delivery boy na galing sa masugid na listener at tagahanga ni Ali.
Naging topic kasi ni Ali sa show ang presyo ngayon ng per kilo ng sibuyas na may kamahalan na sinang-ayunan naman ni Arnold. Kaya nang marinig ito ng fan ni Ali ay agad siyang pinadalhan ng sibuyas sa DZBB.
At dahil on board o on the air siya noong dumating ang delivery boy ay kaniya nga itong ipinakisuyo sa PA na minasama raw ni Ms. Salvacion.
Ang ending matapos sabihan ni Mike Enriquez si Ali na magpahinga muna hayun nag-resign na lang sa show. Ngayon ay sina Arnold at Rowena na raw ang tandem sa programang iniwan ni Ali.
Ang tanong marunong bang kumanta ang nasabing ehikutibo, gaya ng araw-araw na ginagawa ni Ms. Sotto?!
Naku baka sumasadsad na ang ratings ng said show.
VONGGANG CHIKA!
ni Peter Ledesma
