HATAW! D'yaryo ng Bayan hatawtabloid.com
NABINGIT sa kamatayan ang buhay ng komedyanteng si Allan K nang tamaan siya ng Covid-19 last August.
Pero inilahad lang ni Allan ang near-death experience niyang ‘yon nang mag-guest siya sa Eat Bulaga segment na Bawal Judgmental bilang isa sa choices na nagkaroon ng Covid-19 at isinugod sa ospital.
Kasama niyang guest si Wally Bayola na nadale rin ng virus, doctor ng Bulaga, ilang staff at personal assistant ni Alden Richards na si Mama Tenten Mendoza.
Ayon sa kuwento ni Allan, umabot sa 38 plus degrees ang lagnat niya ng ilang araw. Hindi ito mapababa ng gamot na iniinom niya.
Kasunod nito ang pagkawala ng panlasa, pang-amoy at walang tigil na pagsinok! Nadala rin siya sa ICU!
Severe case ang dumale kay Allan. Tinulungan siya nina Vic Sotto, asawang si Pauleen Luna, Jenny Ferre at ibang taga-Bulaga. Sa isang ospital sa Pasig City siya dinala kaya nagpasalamat din siya kay Mayor Vico Sotto.
Nagpasamat siya dahil hindi siya na-intubate!
Kumapit si Allan sa favorite verse niya sa Bible na paulit-ulit niyang sinasabi.
Kung nahuli raw siya ng punta sa ospital, malamang na namatay siya dahil sabi ng doctor kay Bossing, hindi maganda ang sitwasyon ni Allan.
Nang malampasan ang bagong dagok sa buhay, nagpasalamat si Allan sa lahat ng tumulong at nagdasal sa pangalawang buhay niya!
Ngayong 2020, dalawang kapatid ni Allan ang magkasunod na binawian ng buhay. Nagsara ang dalawa niyang comedy bars.
Then, siya naman ang sinubok at nalampasan niya ‘yon! Salamat sa Diyos!
I-FLEX
ni Jun Nardo
