Joed Serrano, naghahanap ng bibida sa Anak ng Burlesk Queen

MGA seksing babae naman ang bibigyan ng break sa showbiz ng bagong film producer na si Joed Serrano ng Godfather Productions.

Hinahanap naman ni Joed ang seksing babae na lalabas sa bagong movie niyang Anak ng Burlesk Queen na ididirehe na naman ni Joel Lamangan, huh!

Take note, hindi pa nga naipalalabas ang unang venture niyang Anak ng Macho Dancer, gigiling naman ang Anak ng Burlesk Queen!

Of course, kapag ang pelikulang Burlesk Queen ang usapan, ang Star For All Seasons na si Congressswoman Vilma Santos-Recto ang maaalala.

Pasabog ang movie na ito ni Ate Vi na ipinalabas sa isang Metro Manila Film Festival. Nanalo ito ng maraming awards pero may mga umangal na sector at ipinasasauli ang mga award.

Pasabog ang ending ng movie na naka-two-piece bikini si Vilma na todo-giling sa stage habang umiiyak!

Ngayong araw na ito, November 4, ang casting call para sa Anak ng Burlesk Queen sa Sikat Studio, 2^nd floor, #305 Tomas Morato Avenue, QC, 2-5PM only.

Siyempre, kailangan matapang, 20-25 years old at magaling na dancer ang kailangan para mapili sa lead role at supporting cast.

Take note, after Anak ng Burlesk Queen, ang tell-all life story naman ni Joed ang isa pa niyang ipo-produce!

Jackpot ang magiging artista ni Joed dahil galante siya sa mga artista niya, huh!

I-FLEX
ni Jun Nardo