Suelo kampeon sa Rojo-J Trading bullet online chess  

PINAGHARIAN ni Arena Grandmaster at Fide Master elect Robert Suelo ang katatapos na second Rojo-J Trading bullet online chess tournament nitong Biyernes, Oktubre 17, 2020.

 

Tangan ang itim na piyesa, ang 1996 Philippine Junior Champion na si Suelo ay dinaig si Ted Ian Montoyo matapos ang 39 moves ng London System Opening  sa one-day, Arena two hours duration event na may Arena 127  points.

 

Ang Singapore based Suelo ay sariwa pa sa pagkampeon sa Jolina Icao Youtube Channel Arena nitong Oktubre 13.

 

Nakipaghatian naman ng puntos si Inaugural champion International Master Angelo Young kontra kay Fide Master Rico Salimbagat para tumapos sa second place na may Arena 97 points.

 

Habang si  United States based Salimbagat ay tumapos ng third place na may Arena 96 points.

 

Ang iba pang pumasok sa top 7  ay sina fourth MG Reyes (93 points), fifth Ted Ian Montoyo (86 points),  sixth Bryan Blair Fallarme (82 points) at seventh AGM Hermie Cagatin (79 points).

 

Ang susunod na event ng Bayanihan Chess Club ay ang Pretty Zada Skin Care Products  online tournament kung saan ang magsisilbing punong abala si Mr. Mc Daniel Ebao.

(Marlon Bernardino)