Janella Salvador preggy nga ba sa Fil-British singer-actor na si Markus Paterson? (Rason raw sa pagtanggi sa alok ng TV 5)

MAUGONG ang tsimis na kaya raw nasa London si Janella Salvador sa poder ng boyfriend na Fil-British singer-actor na si Markus Paterson ay dahil preggy raw ang Kapamilya actress.

Mas umingay ang chikang ito nang mapanood sa Tiktok si Janella na habang sumasayaw ay nag-dialogue raw na bawal pala siyang tumalon.

Isa pang nagpatibay sa issue ang pagpunta rin sa London ng mommy ni Janella na si Jenine Desiderio, para bisitahin ang kanyang only daughter.

Tapos dagdag rito na kaya raw tumanggi si Janella sa offer sa kanya ng TV 5 ay dahil maselan nga ang kanyang kondisyon ngayon.

Pero kahit may ganitong scenario hangga’t walang inaamin sina Janella at Markus, ay mananatiling haka-haka lang muna ang lahat at mahirap nang makoryente.

At kung true na buntis ang actress, blessing in disguise na nataon na wala siyang trabaho sa ABS-CBN. Isa si Janella sa mga pambatong batang artista ng Kapamilya network, at deserve naman niya at mahusay naman talaga siya.

Produkto pala ng Boyband PH ang sinasabing boyfriend ni Janella na si Markus.

VONGGANG CHIKA!
ni Peter Ledesma