Regine, may kakaiba at nakakalokang advice kina Sarah at Matteo

NAKAKALOKA as in, nakakaloka talaga ang marriage advice ng Asia’s Songbird na si Regine Velasquez kina Sarah Geronimo at Matteo Guidicelli. Aba, anito kailangang mag-sex nang mag-sex ang dalawa para magtagal ang kanilang pagsasama bilang husband and wife.

Napaisip kami at naloka kung ‘yan talaga ang ginagawa nina Regine at Ogie Alcasid eh, bakit isa pa lang ang nabuo nila eh, matagal na silang nagsasama bilang husband and wife?

Sey ni Regine, ”Mag-sex lang sila nang mag-sex siguro… in a Christian way, kasama ‘yun! But no, communication talaga is very important. Kasi alam n’yo, magte-10 years na kami ng asawa ko and it doesn’t feel na ten years ko na siyang kasama.

“It doesn’t feel that way because he makes life so exciting for me. And since he does that, I also try to do the same.

“Kaka-text lang niya ng, ‘Hi miss, kailan uwi mo?’ Ako naman, ‘Sir, matagal pa sir, traffic pa sir.’ Yung little things like that will add color to your relationship,” pahayag pa ng Songbird.

Hirit pa niya sa kanyang anak-anakang si Sarah, ”Magligawan kayo nang magligawan. Ako, ‘yung asawa ko kaya, nililigawan pa rin ako. Magte-text ‘yun sa akin, ‘Hi, can I date you?’ Yung ganoon, pero kinikilig ka roon.

“Nakatutuwa ‘yun, kasi siyempre pareho kaming busy, nakahanap pa siya ng time para bolahin ako, ‘di ba? Minsan nakatutuwa rin ‘yun, kasama lahat ‘yun.”

Isa sa mga ‘ate’ ni Sarah si Regine sa showbiz kaya understandable kung ganoon katindi ang advice nito sa bagong kasal.

STARNEWS UPLOAD
ni Alex Datu