“SAF 44” hiniling ng VACC muling buksan ng Ombudsman (Ehekutibo ‘di makikialam)

WALANG plano ang Palasyo na makialam sa trabaho ng Ombuds­man.

Ito ang sinabi ni Presidential Spokesman Salvador Panelo matapos hilingin ng Volunteers Againts Crime and Corruption (VACC) sa Ombudsman na muling buksan ang kaso nang pagpatay sa 44 kagawad ng Special Action Force (SAF) sa  Mamasapano, Maguindanao noong 2015 dahil may bagong ebi­den­siya laban kay dating Pangulong Benigno Aquino III na idinadawit sa kasong homicide.

Ayon kay Panelo, dapat manaig ang rule of law, pero hindi gawi ng sangay ng ehekutibo na pakialaman ang trabaho ng ibang sangay ng pamahalaan at constitutional bodies.

Nahaharap din si Aquino sa kasong graft at usurpation of authority dahil sa umano’y palpak na operasyon sa Mamasapano.

“We will not interfere with a co-equal branch of government as well as constitutional bodies. Let the rule of law prevail. Kung ano ang batas ‘yun ang sundin natin,” ani Panelo.

(ROSE NOVENARIO)