Digong ‘di sisiport sa Balangiga Bells handover ceremony

HINDI pupunta  si Pa­ngu­long Rodrigo Duterte sa handover ceremony ng Balangiga bells sa Vil­lamor Air Base sa Pasay City ngayong araw.

Sa halip, ayon kay Presdiential Spokesman Salvador Panelo, magtu­tungo ang Pangulo sa 15 Disyembre para sa turn-over ceremony sa St. Law­rence The Martyr Church sa Balangiga, Eastern Samar, ang orihi­nal na kinalalagyan ng mga kampana bago ninakaw ng mga Ameri­kanong sun­dalo noong 1901.

Ang pagbabago sa iskedyul ng Pangulo ay batay sa rekomendasyon ni Defense Secretary Del­fin Lorenzana.

Itinuturing na maka­say­sayan ang pagbabalik ng tatlong kampana sa mismong mga taga-Ba­langiga sa Eastern Samar dahil ninakaw ito ng US  bilang war booty matapos ipag-utos ni US General Jacob Smith na patayin ang lahat ng kalalakihan, edad 10-anyos pataas sa Samar nang mapaslang ng mga Filipino ang 46 sundalong Amerikano noong Fil-Am war.

(ROSE NOVENARIO)